Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 32

King Harald and His Mother

Eptir þessi tíðendi fara þeir Haraldr, þar til er þeir kómu í stöðvar Gorms konungs síð um aptan, ok gengu þeir alvápnaðir til konungs bœjar; ok er þat sumra manna sögn, þeirra er fróðir eru, at Haraldr leitaði sér ráðs, ok þóttisk eigi vita allgørla, hversu hann skyldi atorkask, at segja föður sínum þessi tíðendi, fyrir þá sök at Gormr konúngr hafði þess heitstrengt, at hann skyldi þess manns bani verða, er honum segði líflát Knúts sonar síns. Haraldr sendir nú fóstbróður sinn, þann er Haukr er nefndr, á fund Þyri móður sinnar, ok bar henni til orð, at hún fengi þat ráð nakkvat tilgefit, er hann gæti ráðit ór þessum vanda. Lítils síðar kømr Haraldr sjálfr á fund móður sinnar, ok segir henni þessi tíðendi, ok leitar ráða við hana; en hon réð honum þat ráð, at hann skyldi sjálfr fara á fund föður síns, ok segja honum þau tíðendi, at haukar tveir höfðu barzk, ok væri annarr alhvítr, en annarr grár, ok væri þó báðir gersimar, en svá lyki með þeim, at enn hvíti fengi bana, ok þótti þat skaði mikill. Ok nú eptir þetta gengr araldr í braut til liðs síns, ok vánu bráðara ferr hann til hallar föður síns, þar sem hann drakk inni með hirð sinni, ok var konungrinn undir borðum ok hirðin. Síðan gengr Haraldr inn fyrir föður sinn í höllina, ok segir honum síðan ífrá haukunum, svá sem móðir hans hafði honum ráð tilkennt, ok lauk svá málinu, at "nú er dauðr" segir hann, "enn hvíti haukrinn"; ok er hann hafði þat mælt, þá kvað hann ekki annat orð, ok fór þá enn á fund móður sinnar.

alhvítr, perfectly white			hirð, f. retinue
allgørla, quite clearly			ífrá, concerning
alvápnaðr, fully armed			leitaði, sought (leita, 18, 30)
aptann, m. evening			liflát, n. death
atorkask, to set about			lyki, it ended (lúka, 28, 31)
barzk (p. p.) fought			ráð, n. counsel, advice
borð, n. table			ráðit (p. p.) contrived
bráðara, sooner			skaði, m. harm, loss
bœjar, g. s. of bœr, m. homestead			sök, f. reason
fengi, should get (fá)			stöðvar, pl. of stöð, f. abode
fóstbróðir, m. foster-brother			tilgefit, given to him
gersimi, m. treasure			tilkennt, taught
grár, grey			undir borðum, at table
gæti, should get (geta)			vandi, m. difficulty
haukr, m. hawk (5)			ván, f. expectation (9)

heitstrengt, vowed (14, 23)

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.