Northvegr - Easy Readings In Old Icelandic

Visit the theme site for folklore and mythology related to stamps issued by the Faroese Post Office.

Home | Site Index | Heithinn Idea Contest |

Easy Readings In Old Icelandic

Chapter 23

Thora and Her Snake

Herruðr hét jarl ríkr ok ágætr á Gautlandi. Hann var kvángaðr; dóttir hans hét Þóra; hon var allra kvenna fríðust sýnum, ok kurteisust at sér um alla hluti, þá er til handa má bera, ok betra er at hafa, en án vera; þat var hennar kenningarnafn, at hon var kölluð borgarhjörtr, fyrir því at svá bar hon af öllum konum at fegrð, sem hjörtr af öðrum dýrum. Jarlinn unni mikit dóttur sinni; hann lét gøra henni eina skemmu, skamt frá höll konungs, ok um þá skemmu var skíðgarðr. Þat lagði jarl í vanda sinn, at senda dóttur sinni hvern dag nokkut til skemtanar, enn þat mælti hann, at því mundi hann fram halda. Frá því er sagt, at hann lét fœra henni lítinn lyngorm einhvern dag, ákaflega fagran, ok þessi ormr þótti henni góðr, ok lét hann í sitt eski, ok bar undir gull; skamma stund var hann þar, áðr hann óx mikit ok svá gullit undir honum; þar kømr of síðir, at eigi hefir hann rúm i skemmunni, ok gullit vex undir honum jafnt sem ormrinn sjálfr; nú liggr hann utan um skemmuna, svá at saman tók höfuð ok sporðr, ok illr gørist hann viðreignar, ok þorir engi maðr at koma til skemmunnar fyrir þessum ormi, nema sá einn, er honum fœrir fœðslu, ok oxa þarf hann i mál. Jarli þykkir mikit mein á þessu, ok strengir þess heit, at hann mun þeim manni gefa dóttur sína, hvat manna sem hann er, ef at bana yrði orminum, ok gull þat, er undir honum er, skal vera hennar heimanfylgja. Þessi tíðindi spyrjask víða of land, enn þó treystisk engi til að ráða fyrir þessum mikla ormi.

ágætr, famous (14)			heimanfylgja, f. dowry
ákaflega, extremely			heit, f. vow (14)
án, without			hjörtr, m. hart, stag
bera af, to excel			hlutr, m. thing
bera til handa, to befall one			jafnt, equally
borgarhjörtr, m. 'castle-hart'			jarl, m. earl
dýr, n. animal			kenningarnafn, n. nick-name
eski, n. casket			kurteiss, well-bred
fegrð, f. beauty			kvángaðr, married
fríðastr, fairest (17)			lyngormr, m. heath-snake
fœra, to bring			mál, n. meal
fœðsla, f. food			mein, n. hurt, harm
halda fram, to continue			óx, grew (vaxa, 7)

___________________

oxi, m. ox			spyrjask, are heard of
ráða fyrir, to dispose of			sýn, f. appearance
rúm, n. room			treystisk, ventured (treystask)
síðir, of, at last			vandi, n. custom
skammr, short			vex, grows (vaxa, 7)
skamt, a short way			víða, widely
skemma, f. bower			viðreign, f. dealing with
skemtan, f. amusement			yrði, should be (verða)
skíðgarðr, m. palisade			þora, to dare
strengja, to swear (14)			þótti, seemed
stund, f. time (22)			þykkir, seems (þykkja 3)

sporðr, m. tail (8)

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.