Heliand In Old Saxon
Heliand In Old Saxon
Page 163
Judaei nolente Pilato in tacentis Christi supplicium obstinati.
Joh. XIX. 7 – 15.
- hreopun thuo alla samad·
hludero stemnu· hietun flitlico· ferahes ahtian·
- crist mid qualmu· endi
an crici slahan· uuegian te uundron· Hie mid
- is uuordon habit· dodes
gisculdid· sagit that hie drohtin si· gegnungo
- godes suno· That hie
ageldan scal· inuuidspraca· so is an uson euue
- giscriban· that man sulica
firinquidi· ferahu copo.
- (LXIV.) Thuo uuarth thie
an forahton· thie thes folkes giuueld· mikilon
- an is muode· thuo hie
gihorda thia man· sprecan that sia ina selbon·
- seggian gihordin· gehan
fur them gumscipe· that hie uuari godes suno·
- Thuo huaf im eft thie
heritogo· an that hus innan· te thero thingstedi·
- Thristion uuordon· gruotta
thena godes suno· endi fragoda huat hie
- gumono uuari. Huat bist
thu manno quat hie· te hui thu mi so thinan
- muod hilis· dernis diop
githaht· uuest thu that it all an minon duome
- sted· umbi thines libes
gilagu· Mi hebbiat thesa liudi fargeban· uuerod
- iudeono· that ik giuualdan
muot· so thik te spildianne· an speres orde·
- so ti quellianne an crucium·
so quican latan· so hueder so mi selbon·
- suotera thunkit· te gifrummianne
mid minu folcu· Thuo sprac eft that
- frithubarn godes. Uuest
thu that te uuaron quat hie· that thu giuuald
- obar mik· hebbian ni
mohtis· ne uuari that it thi helag god· selbo
- fargaui· Oc hebbeat thia
sundeono mer· thia mik thi bifulhun· thuru
- fiundscipi· gisaldun
an simon haftan.
- Thuo uuelda ina siith
afterthiu· gramhudig man· gerno farlatan· thegan
- kesures· thar hie is
habdi for thero thioda giuuald· Ac sia uueridun
- im thena uuillion· uuordu
gihuilicu· kunni iudeono· Ne bist thu quathun
- sia thes kesures friund·
thinon herren hold· ef thu ina hinan latis.
- sithon gisundon· that
thi noh te soragan mag· uuerthan te uuite· huand
- so hue so sulic uuord
sprikit· ahabid ina so hoho· quithit that hie
- hebbian mugi· cuningduomes
namon· ne si that ina im thie kesur gebe·
- hie uuirrid im is uueruldriki·
endi is uuord farhugid· farman ina an
- is muode· be thiu scalt
thu sulic men· uurekan· ef thu umbi thines
- herren ruokis· umbi thines
frohon friundscipi· than scalt thu ina thiu
- ferhu beniman·
- Thuo gihorda thie heritogo·
thia hieri iudeono· thregian fan is thiodne·
- thuo hie fan thero thingstedi
geng· selbo gisittian· thar gisamnod
- uuas so mikil· huarf
uuerodes· hiet uualdand crist· ledian for thia liudi·
<< Previous Page Next Page >>
© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.
|