Page 120

1. thanen quica brunnon. Thesa quidi uuerdad uuara. liudiun gilestid.
   
2. so huemu so her gilobid te mi. Than mende mid thiu uuataru· uual-
   
3. dandeo crist. her hebencuning. helagna gest. huo thene firiho barn·
   
4. antfahen scoldin. lioht endi ‡ lif euuig. hoh hebenriki. endi huldi godes.
   
5. (XLVIII.) Vurdun tho thea liudi· umbi thea lera cristes. umbi thiu
   
6. uuord an geuuinne. stodun uulanca man. gelmode
   
7. iudeon· sprakun gelp mikil. habdun it im te hosca. quadun
   
8. that sie mahtin gihorien uuel. that imu mahlidin fram· modaga
   
9. uuihti· unholde ut. Nu he an aun lerid quadun sie· uuordu gehui-
   
10. licu. Tho sprak eft that uuerod odar. Ni durunn gi thene leriand.
    
11. lahan quadun sie. kumad libes uuord· mahtig fan is mude. he
    
12. uuirkid manages huat· uundres an thesaru uueroldi. Nis that
    
13. uuredaro dad· fiundo craftes. Nio it than te sulicaru frumu uurdi·
    
14. ac it gegnungo· fan gode alouualdon· kumid fan is crafte. that
    
15. mugun gi antkennien uuel· an them is uuarun uuordun. that he
    
16. giuuald habad· alles obar erdu. Tho nueldun ina the andsacon
    
17. thar· an stedi fahen. eftha sten anauuerpun. ef sie im thero manno·
    
18. menigi ni andredin. Ni forhtodin that folcskepi. Tho sprak that
    
19. fridubarn godes. ik toiu iu godes so filu quad he· fan gode selbumu·
    
20. uuordo endi uuerko. Nu uuilliad gi mi uuitnon her· thurh iuuuan
    
21. starkan hugi. sten anauuerpen· bilosien mi libu. Tho sprakun
    
22. imu eft thea liudi angegin. uureda uuidersakon. Ne uui it be thi-
    
23. nun uuerkun ni duat ‡· that uui thi aldres to· ahtien uuilliad. ac
    
24. uui duat it be thinun uuordun. huand thu sulik uuah sprikis.